嘻嘻!! 突然間好想update下xanga, 結婚半年, 生活美滿, 雖然都係平淡咁兩個一齊住, 不過都好開心! 而且, 我地屋企加添左一位小生命, 為呢個家增添唔少熱鬧 嘻嘻! 呢個就係我地仔仔啦!

http://hk.myblog.yahoo.com/maggieson1203/ 仔仔Blog

http://beefball1203.mysinablog.com/ 結婚籌備/ 靚太生活Blog

 琴日我做左個決定, 我辭左職呀, 其實自己諗左都有一排, 結婚之後攪掂晒d野就辭職, 雖然好多人都話呢份工人工高, 福利好, 做咩要辭, 而且我都做得好開心, 呢間確實係一間好好既公司, 不過我覺得如果我再留係度, 我就冇機會試一D自己一直好想試既野喇, 希望我呢個決定係岩啦!

同貓仔講左, 佢叫我離職之後唔好搵工住, 等自己抖一排先萬大事有佢撐住, 好感動, 我知道無論發生咩事, 佢永遠都會係度保護我.........

大家祝我好運啦, 我做到年29呀! 希望新年有個新開始!

另外, Xanga可能會關門大吉喇, 轉去Sinablog, 如果大家仲關心我, 又見我10世未update blog, 就轉去Sinablog啦

十世都冇放相啦, 放返少少早前去布吉既相啦

係咁多先啦=)

密絕結婚Blog曝光!

呢個係我由最初籌備婚禮到依家寄載左我地呢2年既籌備心得同感想, 婚禮完結, 一於同大家分享啦! 呢個係我地一生一世既回憶, 好難忘好美好呢! 婚禮當天的情況會續一Update, 密切留意及留言支持啦!

http://beefball1203.mysinablog.com/

我地結左婚喇!

我有一個完美, 完滿既婚禮, 真係一生難忘, 好滿意呢! 遲D再同大家分享啦! 出發去旅行啦^.^

多謝晒所有SEND左SMS, 出席我婚禮既朋友仔呀, 不過因為好忙冇時間覆大家, 同埋婚禮上真係好趕, 冇時間同每位停低傾計, 真係唔好意思呢!

返來再俾相大家睇啦^_^

後日就係我結婚大日子喇! 依家進入倒數最後30小時! 哈哈好期待呢!

11月16日 下午2:15於文化中心註冊, 歡迎觀禮呢!